Transcription
1
Reçue à Grenoble le 15 janvier 1573.
2
Monsieur, ce mot ne sera que pour vous prier de la part de madamoyselle de Champs
3
de mectre ce paquet quelle envoye à monsieur de Chastelart avec la premyère despeche
4
que ferés en court. Je croys que cest touchant ces affaires avec le sieur de Sainct Auban
5
qui a passé en ceste ville, continuant tousiours de parler à madite damoyselle en bien
6jeune homme. Au demeurant, monsieur, [barré : que ] veu le beau temps quil faict, je masseure que votre
7
partement de Grenoble sera au premyert jourt quar jestime que vostre presence metra en
8
repous ung chacun en ce pays et oustera la mesfiance quil nous reste les uns avec les
9
aultres, sentent pour le reguart de la noblesse de la nouvelle opinion et de ceus qui les
10
adhèrent lesquelz persistent plus que jamays en leurs oppiniastreté et reverye. Je vous envoye ung
11
double de lapointement des cappitaynes Gobert et La Bastye. Si ny eussions promptement
12
pourveu, ilz faysoyent grans escadrilles tant dune part que daultre. Il y a ung gentilhomme
13
qui passa yert par icy venant d’Avignon, qui dit que vendredy dernier vint nouvelles à
14
monsieur le cardinal d’Amaignac comme monsieur ladmiral avoyt prins Terrides, et
15
faict pendre les cappitaynes qui estoyent dedans. N’ayent aultres nouvelles qui meritent
16
vous escrire, je salueray voz bonnes graces par mes très humbles recommandations,
17
priant Nostre Seigneur vous donner,
18
monsieur, en très bonne santé, longue et hereuse vye. Au Monteilhimart, ce XIIe
19
de Janviert.
20
Vostre très humble très obeyssant
21
filz et à jamays serviteur
22
Hourche